💥अकोला येथे भव्य अस्थीव्यंग दुरुस्ती शिबिराचे आयोजन💥

💥अकोला येथे भव्य अस्थीव्यंग दुरुस्ती शिबिराचे आयोजन💥

अकोला

 (मनोज भगत):

राष्ट्रीय स्वयंसेवक संघाच्या शताब्दी वर्षानिमित्त दिव्यांगांच्या उत्थानासाठी कार्यरत सक्षम व रुग्ण सेवेकरी डॉ. रा.ना. चौधरी ट्रस्ट अकोला यांच्या संयुक्त विद्यमाने महानगरात भव्य अस्थीव्यंग शिबिराचे आयोजन करण्यात आले आहे. रविवार दिनांक ७ डिसेंबर रोजी सकाळी ९-३० ते दुपारी १-३० पर्यंत पर्यंत सिव्हिल लाईन येथील चौधरी हॉस्पीटल, अकोला येथे हे अस्थीव्यंग शिबिर होणार आहे.

या शिबिरास चिमुकल्या पासून तर १८ वर्ष पर्यंत सर्व लहान मुला मुर्लीच्या अस्थीव्यंगाची तज्ञ वैद्यकीय वर्गाकडून तपासणी करण्यात येणार आहे. कठीण व्यंगांसाठी अत्याधुनिक व शास्त्रोक्त पद्धतीने शस्त्रक्रिया करण्याचे

प्रयोजन आहे. गरीब व गरजू रुग्णांवर शस्त्रक्रिया विनामुल्य करण्यात येणार आहे. या शिबिरात अत्याधुनिक व गाजलेल्या इलिझारोव तंत्र पद्धतीचा उपयोग करून हाता-पायाचे व्यंग दुरुस्त करणे, लांबी वाढवणे अशी अतीशय दुर्मिळ व कठिण शस्त्रक्रिया करण्याचे आयोजन आहे. तपासणी नंतर निवडलेल्या रुग्णांचा अस्थीव्यंग पूर्णपणाने दुरुस्त होईपर्यंत मागोवा घेण्यात येईल. रुग्णांची शस्त्रक्रिया व्यवस्थितरित्या केली जाईल व फेरतपासणीसाठी निश्चित वेळ दिली जाईल. ङ्गमानव सेवा हीच माधव सेवा हे ब्रिदवाक्य मनी बाळगणाऱ्या चौधरी हॉस्पिटलचा ९८ वर्षांचा इतिहास व अनुभव आहे. अधुनिक अस्थीव्यंग दुरुस्ती येथे गेली ३५ वर्षे डॉ. मिलींद चौधरी यांच्या हस्ते होत आहे.

आर्थिक कमकुवत व गरजू रुग्णांनी विनामूल्य शस्त्रक्रियेसाठी बीपीएल कार्ड, आधार कार्ड, दिव्यांग युडीआयडी, फोटो व व्हॉट्सअप असणारा मोबाईल आणणे आवश्यक आहे. गरजू रुग्णांनी या शिबिराच्या तपासणी साठी आपली नावे नोंदवून या शिबिराचा मोठ्या संख्येने लाभ घेण्याचे आवाहन ङ्गसक्षमङ्घचे जिल्हा अध्यक्ष निकेश गुप्ता, जिल्हा सचिव प्रशांत लांबे, सहसचिव योगेश शांडील्य, उपाध्यक्ष जितेंद्र दीक्षित, प्र. प्रमुख राम भिरड, कोषाध्यक्ष मंदार पिंपरखळे, सदस्य स्वप्निल गरुड, डॉ स्मिता पांडे, महिला आघाडी प्रमुख आरती पुरचुरे तथा डॉ. रा.ना. चौधरी ट्रस्टचे डॉ. नानासाहेब चौधरी, डॉ मिलिंद चौधरी, डॉ इशानी चौधरी आर्दीनी केले.