*💥कोल्हापूर करवीर पीठाचे शंकराचार्यांनी🚩 घेतले मोठी देवीचे दर्शन💥*

कोल्हापूर करवीर पीठाचे शंकराचार्यांनी घेतले मोठी देवीचे दर्शन 

खामगाव (शेखर तायडे) – खामगाव शहरात आज कोल्हापूर येथील करवीर पीठाचे परमपूज्य शंकराचार्य यांच्या आगमनाने धार्मिक आणि आध्यात्मिक वातावरण भारावून गेले. शहरात आयोजित शांती उत्सवात त्यांनी सहभाग होत मोठा देवीचे मनोभावे दर्शन घेतले. यावेळी त्यांनी भक्तांना अध्यात्मिक मार्गाचा संदेश दिला.

शंकराचार्य यांनी खामगावच्या मोठी देवी मंदिरात मनोभावे दर्शन घेऊन देवीच्या चरणी प्रार्थना केली. त्यांनी देशात आणि समाजात शांतता, सद्भावना आणि एकता टिकून राहावी, अशी मंगलकामना व्यक्त केली. या प्रसंगी त्यांनी उपस्थितांना संबोधित करताना सांगितले की, “धर्म म्हणजे एकत्व, सेवा आणि प्रेमाचा संदेश देणारा मार्ग आहे. समाजाने वैरभाव आणि मतभेद विसरून एकात्मतेकडे वाटचाल करावी.”

शंकराचार्यांच्या भेटीमुळे मंदिर परिसर आणि शहरात भक्तांचा उत्साह ओसंडून वाहत होता. दर्शनावेळी अनेक भक्तांनी शंकराचार्यांचे आशीर्वाद घेतले.

या प्रसंगी देवेंद्र देशमुख, शशिकांत कुलकर्णी, रवी आनंदे, शिवा आनंदे, आशिष सराफ, राम जोशी, राजेश भुतडा, धर्म धर्मदाय आयुक्त कार्यालयाचे सचिन जोशी आदी मान्यवर उपस्थित होते.