💥💥पत्रकारांवर ✒️हल्ला करणाऱ्यांवर कठोर कारवाई करा💥💥खामगावात ✒️पत्रकारांचे एसडीओंच्या मार्फत गृहमंत्र्यांना निवेदन💥

💥💥पत्रकारांवर ✒️हल्ला करणाऱ्यांवर कठोर कारवाई करा💥

💥खामगावात ✒️पत्रकारांचे एसडीओंच्या मार्फत गृहमंत्र्यांना निवेदन💥

खामगाव (संतोष आटोळे):

 नाशिक जिल्ह्यातील

त्र्यंबकेश्वर येथे वृत्तांकनासाठी गेलेल्या चार पत्रकारांना ए.एस. मल्टी सर्व्हिसेसच्या मालक आणि कर्मचाऱ्यांकडून टोल पॉईंटवर पत्रकारांशी हुज्जतबाजी करून त्यांना अमानुषपणे बेदम मारहाण करण्यात आली आहे. पत्रकारांवर हल्ला करणाऱ्या या गुंट प्रवृत्तीच्या लोकांवर पोलीस प्रशासनाने कडक कारवाई करून त्यांना तात्काळ अटक करावी, अशा आशयाचे निवेदन अखिल भारतीय मराठी पत्रकार परिषदेच्या वतीने २२ सप्टेंबर रोजी येथील एसडीओंच्या मार्फत मुख्यमंत्री तथा गृहमंत्री देवेंद्र फडणवीस यांना देण्यात आले आहे. दिलेल्या निवेदनात नमूद आहे की, लोकशाहीचा चौथा स्तंभ म्हणून पत्रकारितेला मान्यता आहे. पत्रकार समाजाचे प्रश्न जनतेपर्यंत पोहोचवतात, त्यांच्यावरील हल्ले हे थेट लोकशाहीवरील हल्ले आहेत. नाशिक मधील त्र्यंबकेश्वर या ठिकाणी तीन ते चार पत्रकारांना प्रवेश टोल पॉईंटवर अमानुष मारहाण करण्यात आली.

पत्रकारांना मारहाणीचे व्हिडिओ फुटेज सोशल मीडियावर सुद्धा अनेकांनी पाहिले आहेत. सदर प्रकरणात नाशिक पोलिसांकडून आरोपींविरोधात गुन्हा दाखल करण्यात आला आहे. परंतु टोल बसुली करणाऱ्या ए. एस. मल्टी सर्विसेसच्या मालकाविरोधात गुन्हा दाखल करणे गरजेचे आहे. सदर कंपनीला ब्लॅक लिस्टमध्ये टाकून सदर कंपनीला राज्यभरात कुठेही कुठलाही ठेका दिला जाऊ नये, अशी

मध्ये पत्रकार संरक्षण कायदा अस्तित्वात आल्यानंतरही जवळपास ३०० पेक्षा अधिक पत्रकारांबर हल्ले झाले आहेत. त्यांना शिवीगाळ केली गेली किंवा त्यांना जिवे मारण्याच्या धमक्या दिल्या गेल्या, केवळ ४३ प्रकरणातच पत्रकार संरक्षण कायदा लावला गेला. सदर कायद्याची अंमलबजावणी करताना सरकारकडून कुचराई होत आहे. हे स्पष्ट आहे. पत्रकार संरक्षण कायद्याची काटेकोरपणे आणि गंभीरपणे अंमलबजावणी करावी, अशी

मागणीही निवेदनात करण्यात आली आहे. तसेच जिल्हास्तरावर पत्रकार हल्ला विरोधी कृती समिती जिल्हाधिकारी यांच्या अध्यक्षतेखाली आणि जिल्हा पोलिस अधीक्षक त्यात सचिव असावे. बुलढाणा वकील संघाचे अध्यक्ष तसेच काही समाजिक कार्यकर्ते यांना सदस्य म्हणून घ्यावे, असेही निवेदनात नमूद आहे. निवेदनावर अ.भा.मराठी पत्रकार परिषदेचे जिल्हा कार्याध्यक्ष प्रशांत देशमुख, जिल्हा सहसमन्वयक अनुप गवळी, तालुकाध्यक्ष महेश देशमुख, शहराध्यक्ष गणेश पानझाडे, नितिन इंगळे, मुकेश हेलोडे, सुनिल गुळवे, राहल खंडारे, मुबारक खान, कुणाल देशपांडे, नाना हिवराळे, सागर कुटे, महेंद्र बनसोड, प्रशंजित गव्हांदे, गजानन धंदरे, सिध्देश्वर निर्मळ, सिध्दांत उंबरकार, सचिन बोहरपी, संतोष धुरंधर, अमोल गावंडे, आशिष पवार, संतोष आटोळे आदिंच्या स्वाक्षऱ्या आहेत.