लॉयन्स क्लब खामगांव व धन्वंतरी चॅरीटेबल मेडीकल फाऊंडेशनचा उपक्रमस्व.श्री.श्रा.स. बावस्कर गुरुजी स्मृतीजिल्हास्तरीय आदर्श शिक्षक पुरस्कार जाहीर

लॉयन्स क्लब खामगांव व धन्वंतरी चॅरीटेबल मेडीकल फाऊंडेशनचा उपक्रम

स्व.श्री.श्रा.स. बावस्कर गुरुजी स्मृती

जिल्हास्तरीय आदर्श शिक्षक पुरस्कार जाहीर

खामगांव :

(संतोष आटोळे)

 सामाजिक कार्यात सदा अग्रेसर असणाऱ्या लॉयन्स क्लब खामगांव व धन्वंतरी चारिटेबल मेडीकल फाऊंडेशनच्या वतीने दरवर्षीप्रमाणे याही वीं बाराव्या जिल्हास्तरीय स्व. श्र.स. बावस्कर गुरुजी स्मृती आदर्श शिक्षक पुरस्कारासाठी बुलडाणा जिल्ह्यातून ग्रामीण, शहरी, अंध, अपंग व कर्णबधीर, सेवानिवृत्त, वरिष्ठ महाविद्यालय या गटामध्ये प्रस्ताव मागविण्यात आले होते. बुलढाणा जिल्ह्यातील शिक्षक वृंदांनी प्रतिसाद देत सॉफ्ट कॉपी व हार्ड कॉपी व्दारे प्रस्ताव पाठविले होते. ह्या प्राप्त प्रस्तावांचे मुल्यमापन करुन खालील प्रमाणे पुरस्कारासाठी निवड झालेल्या शिक्षकांची नांवे गटनिहाय जाहीर करण्यात आली आहेत. या पुरस्काराचे वितरण रविवार दि. ०५ ऑक्टोबर २०२५ रोजी नगर परिषद लॉयन्स आय हॉस्पीटल सभागृह, नांदुरा रोड, खामगांव येथे प्रदान करण्यात येणार आहेत.

यावेळी जाहीर करण्यात आलेल्या प्राथमिक ग्रामीण विभागातून कु. अस्मिता विठ्ठलराव क्षिरसागर, सहा. अध्यापिका (जि.प. मराठी उच्च प्राथ. शाळा, सुनगांव, ता. जळगांव जा.), प्राथमिक शहरी विभागातून सौ. अंजली प्रविण क्षिरसागर, सहा. शिक्षिका (लोकमान्य बाळगंगाधर टिळक न.प. मराठी प्राथ. शाळा क्र ६, खामगांव), माध्यमिक शहरी विभागातून डॉ. फकीरा भगवान राजगुरु, विषय शिक्षक (जि.प. मराठी उच्च प्राथ. शाळा, पिंप्री माळी, ता. मेहकर), माध्यमिक ग्रामीण विभागातून श्री. देविदास सिताराम वले, सहा. अध्यापक (नवजीवन विद्यालय, रोहिणखेड, ता. मोताळा), अंध, अपंग, कर्णबधीर व आदिवासी विभागातून डॉ. प्रकाश रामभाऊ जगताप, मुख्याध्यापक व वाचा उपचार तज्ञ (निवासी मुकबधीर विद्यालय, खामगांव), सेवानृिवत्त विभागातून सेवानिवृत्तीनंतरही सदैव कार्य करणाऱ्या सौ. लता ओंकारसिंग राजपुत, सेवानिवृत्त अध्यापक (सावित्रीबाई फुले माध्य. विद्यालय, सिंदखेड राजा), वरिष्ठ महाविद्यालयीन प्राध्यापक विभागातून प्रा. लक्ष्मण फुलचंद शिराळे, सहयोगी प्राध्यापक (विदर्भ महाविद्यालय, बुलडाणा) यांची निवड करण्यात आली आहे. पुरस्कारप्राप्त आदर्श शिक्षकांना रु. ५००१ रोख, स्मृतिचिन्ह व सन्मानपत्र देऊन मान्यवरांचे हस्ते सपत्नीक सत्कार करण्यात येणार आहे.

पुरस्कार वितरणाचा सोहळा रविवार दि. ०५ ऑक्टोबर २०२५ रोजी दुपारी २.०० वा. लॉयन्स आय हॉस्पीटल सभागृह, जीएसटी ऑफीस समोर, नांदुरा रोड, खामगांव येथे मान्यवर व लॉयन्स पदाधिकाऱ्यांच्या उपस्थितीत संपन्न होत आहे. पुरस्कार प्राप्त शिक्षकवृंदांना वैयक्तिकरित्या तसे कळविण्यात येत आहे. तरी या कार्यक्रमास आदर्श शिक्षक पुरस्कार प्राप्त सर्व शिक्षकांनी सपत्नीक उपस्थित रहावे अशी विनंती आयोजकांव्दारे लॉयन्स क्लब खामगांवचे प्रसिध्दी प्रमुख लॉ. डॉ. परमेश्वर चव्हाण, श्रमिक जैस्वाल व विजय मोरखडे यांनी प्रसिध्दीपत्रकाव्दारे केली आहे.