*💥शेगाव कृषी उत्पन्न बाजार समितीच्या वार्षिक सर्वसाधारण सभेला उत्स्फूर्त प्रतिसाद💥**बाजार समितीच्या विविध योजनांचा शेतकऱ्यांनी लाभ घ्यावा -💥 ज्ञानेश्वरदादा पाटील*

*💥शेगाव कृषी उत्पन्न बाजार समितीच्या वार्षिक सर्वसाधारण सभेला उत्स्फूर्त प्रतिसाद💥*

*बाजार समितीच्या विविध योजनांचा शेतकऱ्यांनी लाभ घ्यावा -💥 ज्ञानेश्वरदादा पाटील*

शेगाव : - 

(दिव्यांग शक्ती)

शेगाव कृषी उत्पन्न बाजार समितीची सन २०२५-२६ या वर्षाची वार्षिक सर्वसाधारण सभा (आमसभा) श्री गणेशप्रस्थ मंगल कार्यालय येथे मंगळवार दिनांक ३० सप्टेंबर रोजी उत्साहात पार पडली. शेगाव कृषी उत्पन्न बाजार समितीच्या प्रगतीचा आढावा घेऊन पुढील दिशा ठरवण्यासाठी आयोजित या महत्त्वाच्या सभेला शेतकरी बांधवांसह बाजार समितीशी संबंधित सर्व घटकांचा उत्स्फूर्त प्रतिसाद लाभला. या सभेचे अध्यक्षस्थान बाजार समितीचे सभापती गोपाळराव मिरगे यांनी भूषवले. व्यासपीठावर माऊली ग्रुपचे चेअरमन श्री. ज्ञानेश्वरदादा पाटील, बाळापुर कृषी उत्पन्न बाजार समितीचे सभापती सेवकराम ताथोड, बाजार समितीचे उपसभापती श्रीकांतभाऊ तायडे, सहाय्यक निबंधक सहकारी संस्था शेगाव व्ही.आर. दाते, शेगाव खरेदी विक्री संघ उपाध्यक्ष अनंत बोरसे, शेगाव ग्रामसेवा सहकारी संस्थेचे अध्यक्ष मधुकरराव घाटोळ, माजी जिल्हा परिषद सदस्य राजाभाऊ भोजने, संत गजानन ग्रामसेवा सहकारी संस्थेचे अध्यक्ष दत्तात्रयजी पोपळे, भाजपाचे ज्येष्ठ नेते अरुणभाऊ चांडक, माटरगावचे प्रतिष्ठित व्यक्तिमत्व अनंतराव आळशी, भीमरावभाऊ राऊत, खरेदी विक्री संघाचे माजी अध्यक्ष रघुनाथ पाटील भांबेरे, हमीद शेठ, बाजार समितीचे माजी सभापती गजाननराव भटकर, श्रीकृष्ण घुईकर, शेषराव पाटील पहूरकर, श्रीधरराव उन्हाळे, माजी उपसभापती सुनील वानखडे, पुंडलिकराव भिवटे, बाजार समितीचे संचालक रमेश पाटील, तेजराव दळी, दादाराव निळे, संतोष भारसाकडे, वासुदेवराव धुमाळे, अमोल लांजुळकर, अरुण पाटील खोंड, रितेश टेकडीवाल, परमेश्वर हिंगणे, योगेश थारकर, सौ. मित्रवृंदा पुंडकर, सौ. अर्चना शेळके, गुलाबखा भुरेखा, यांच्यासह शेगाव तालुका खरेदी विक्रीचे सर्व संचालक मंडळ उपस्थित होते.

सभेची सुरुवात श्री गजानन महाराजांच्या चरणी नमन करून आणि प्रेरणास्थान स्व. गजाननदादा पाटील यांना वंदन करून करण्यात आली. मान्यवरांच्या हस्ते दीपप्रज्वलन करून व उपस्थितांचे स्वागत करून कार्यक्रमाला प्रारंभ झाला.

बाजार समितीचे मुख्य कार्यकारी अधिकारी तथा सचिव विलास पुंडकर यांनी सभेचा उद्देश स्पष्ट करताना सांगितले की, शेतकरी बांधव आणि कृषी क्षेत्राचा विकास हाच समितीचा मूळ उद्देश आहे. त्यांनी शेगाव तालुक्यातील सर्व ग्रामपंचायत सरपंच, विकास सोसायटीचे चेअरमन, अडते असोसिएशन, कामगार युनियनचे प्रतिनिधी आणि सर्व हितसंबंधी घटकांचे स्वागत केले.

सभेच्या विषयसूचीनुसार, मागील वार्षिक सभेचे इतिवृत्त वाचून कायम करण्यात आले. तसेच, सन २०२१-२२ ते २०२४-२५ या चार आर्थिक वर्षांचा अहवाल, ताळेबंद व उत्पन्न-खर्च पत्रकासह सदस्यांच्या नोंदीसाठी सादर करण्यात आला, ज्याला सदस्यांनी एकमताने मंजुरी दिली. चालू आर्थिक वर्षाच्या अंदाजपत्रकाची आणि शासकीय वैधानिक लेखापरीक्षण अहवालाची नोंद घेऊन त्यावर चर्चा करण्यात आली. सहकारनेते पांडुरंगदादा पाटील यांचे नेतृत्वाखाली बाजार समितीच्या पारदर्शक कारभारावर आणि घेतलेल्या विकासकामांवर उपस्थितांनी समाधान व्यक्त केले. यावेळी माऊली ग्रुपचे चेअरमन ज्ञानेश्वरदादा पाटील यांनी आपले भाषणामधून बाजार समितीच्या विविध योजनांचा लाभ घेण्यासाठी शेगाव तालुक्यातील समस्त शेतकरी बांधवांना आवाहन केले. त्यानंतर बाळापुर बाजार समितीचे सभापती सेवकराम ताथोड, सहाय्यक निबंधक सहकारी संस्था शेगाव व्ही. आर. दाते यांनी बाजार समिती करीत असलेल्या कामकाजाची प्रशंसा करून सभेला मनोगत व्यक्त केले. त्यानंतर

सभेचे अध्यक्ष, सभापती गोपाळराव मिरगे यांनी आपल्या मार्गदर्शनात बाजार समितीच्या भविष्यातील योजना आणि शेतकरी हितासाठीच्या प्रयत्नांची माहिती दिली. त्यांनी सर्व हितसंबंधी घटकांना कृषी विकासासाठी एकत्र येण्याचे आवाहन केले. त्यानंतर, उपस्थितांच्या अनुमोदनाने व सभापतींच्या परवानगीने ऐनवेळी आलेल्या विषयांवरही चर्चा करून निर्णय घेण्यात आले.

बाजार समितीच्या विकासासाठी झटणाऱ्या सर्व संचालक मंडळ आणि सभेला उपस्थित असलेल्या सर्व शेतकरी बांधवांचे शेगाव तालुका खरेदी विक्री संघाचे अध्यक्ष श्रीधर पांडुरंगदादा पाटील यांनी आभार व्यक्त करून सभेची यशस्वी सांगता झाली.