*💥खामगाव नगरीचे शिल्पकार ,कृतिशील विचारवंत, माजी खासदार,श्रद्धेय ॲड शंकरराव बोबडे यांच्या जयंती निमित्त त्यांचे स्मृतिस विनम्र अभिवादन💥*

*💥खामगाव नगरीचे शिल्पकार ,कृतिशील विचारवंत, माजी खासदार,श्रद्धेय ॲड शंकरराव बोबडे यांच्या जयंती निमित्त त्यांचे स्मृतिस विनम्र अभिवादन💥*

🙏🌹🙏🌹🙏🌹🙏🙏🌹🌹

*शैक्षणिक, सामाजिक, राजकीय,वैचारिक लढ्यात सक्रिय राहून समाज हीत जोपासणारे आदर्श व्यक्तिमत्व म्हणजेच स्व. ॲड शंकरराव उपाख्य भाऊसाहेब बोबडे होत.त्यांचा जन्म 24 सप्टेंबर 1915 रोजी  ॲड बाजीरावजी बोबडे आणि सौ गयाबाई यांचे घरी झाला. ॲड बाजीराव बोबडे हे नामांकित सत्यशोधक,समाजसेवक म्हणून सुपरिचित व्यक्तिमत्त्व होते.शिवाय त्यांचे काका श्री खंडेरावजी बोबडे हे खामगाव मधील सर्वात आधी सुरू झालेल्या श्री शिवाजी अडतीचे संस्थापक तथा संचालक होते या दोन्ही चे मार्गदर्शनात ॲड शंकरराव  घडले.पुढील काळात त्यांनी खामगाव नगर परिषदेचे सक्षम नेतृत्व केले.1941 ते 1958 या काळात नगर परिषद सदस्य,1958 ते 1981  आणि 1991 ते 1993 याकाळात नगर परिषदेचे अध्यक्ष पद भूषविले.याच कालखंडात त्यांच्या राजकीय ,सामाजिक कार्याची दखल घेत त्यांची 1964 साली राज्यसभेचे सदस्य म्हणून निवड झाली.त्यावेळी श्री मोहन धारिया,श्री वैश्य पायन आणि ॲड शंकर राव बोबडे यांची महाराष्ट्र मधून राज्य सभेवर निवड करण्यात आली .1964 ते 1976 या काळात ते राज्यसभा सदस्य होते.राष्ट्रीय स्तरावर राजकीय नेतृत्व करीत असताना ही त्यांनी खामगाव नगरीचा सर्वार्थाने विकास केला.या शहरात टॉवर गार्डन,नटराज गार्डन सारखी अनेक बगीचे निर्माण केलीत. नटराज गार्डन मधील नटराजा ची मूर्ती ही त्यांच्याच संकल्पनेचे द्योतक आहे. खामगाव शहराचा पाणीपुरवठा सुरळीत व्हावा यासाठी जनुना तलावातून स्वतंत्र पाईप लाईन आणीत पाणी प्रश्नावर कायमची मात केली.आज ही येथून पाणी पुरवठा केला जातो. राजकीय क्षेत्रात कार्य करीत असताना सामाजिक परिवर्तनाच्या चळवळीत ही सर्वार्थाने सहभागी झाले.समाज हिताय लढ्याचे बाळकडू त्यांना वडिलांकडून मिळाले होते.याच प्रमाणे संविधान निर्माते डॉ बाबासाहेब आंबेडकर यांच्या पूर्णाकृती पुतळ्याचे अनावरण 14 एप्रिल 1974 साली रा.सू गवई यांचे शुभ हस्ते करीत चळवळीला एक नवा आयाम दिला. कला क्षेत्राला वाव देण्यासाठी 1953 साली कोल्हटकर स्मारक उभारणीत महत्त्वाचे योगदान दिले.जिल्हा विकास समिती,कृषी सेवा, कृषी उत्पन्न बाजार समिती,डेअरी सोसायटी,सहकारी गृह निर्माण संस्था, सेवा संघ यासारख्या अनेक संस्थांच्या विकासास गती देत खामगाव नगरीला नवा आयाम दिला.वाणीला कृतीची जोड देत शहराच्या विकासाला गती दिली.त्यामुळेच त्यांची ओळख खामगाव नगरीचे शिल्पकार म्हणून सर्वश्रुत आहे*.🙏🙏🙏🌹

🌹🌹🌹🙏

*डॉ किशोर वानखेडे*

*7588565392*