आमदार सुनील प्रभू यांना लोकस्वातंत्र्य समाजरत्न गौरव

*आमदार सुनिल प्रभू यांना "लोकस्वातंत्र्य समाजरत्न गौरव राज्यस्तरीय पुरस्कार..!"*

*लोकस्वातंत्र्य पत्रकार महासंघाकडून  त्यांच्या यशस्वी वाटचालीचा सन्मान..!*

 *मुंबई* - 

देवेंद्र मेश्राम 

सामाजिक संवेदनशिलता आणि मानवतावादी सामाजिक भावनांनी जनहृदयात स्थान मिळवित जनसेवेतून  राजकीय आणि सामाजिक यशाला पात्र ठरलेले दिंडोशी मतदार संघाचे शिवसेना उध्दव ठाकरे गटाचे आमदार व मुंबईचे माजी महापौर   आमदार सुनिल प्रभू यांना लोक स्वातंत्र्य पत्रकार महासंघ या समाजाभिमुख राष्ट्रीय संघटनेकडून " लोकस्वातंत्र्य समाजरत्न गौरव" या  राज्यस्तरीय पुरस्काराने गौरविण्यात आले आहे.

मार्च महिन्यात मुंबईतील आयोजित एका कार्यक्रमामध्ये आमदार प्रभू अधिवेशनामुळे उपस्थित राहू शकले नव्हते.लोकस्वातंत्र्य पत्रकार महासंघाकडून विविध क्षेत्रात उल्लेखनिय कार्य करणाऱ्या सामाजिक सेवाव्रती आणि अधिकाऱ्यांना विविध पुरस्कारांनी सन्मानित करण्यात येत असते.लोकस्वातंत्र्य पत्रकार महासंघाकडून नव्या मुंबईतील सदिच्छा भेटीत संस्थापक- राष्ट्रीय अध्यक्ष संजय एम.देशमुख व राष्ट्रीय पदाधिकारी तथा शासनाच्या साहित्य व संस्कृती मंडळाचे माजी सदस्य,कादंबरीकार पुष्पराज गावंडे यांचे हस्ते त्यांना सन्मान स्मृतीचिन्ह, सन्मानपत्र, शाल व पुष्पगुच्छ देऊन सन्मानित करण्यात आले.या सत्कारामध्ये लोकस्वातंत्र्यचे मंत्रालयीन समन्वयक,तथा महाराष्ट्र संघटन प्रमुख रफिक मुलाणी,विनोद चाळके,सुहास मोरे,अॕड.साने हे सुध्दा  सहभागी होते.

      वास्तव समस्यांचा अभ्यास करून त्या  विधानसभेच्या पटलावर ठेवत त्या सोडविण्याच्या प्रयत्न करणारे एक संवेदनशील अभ्यासू लोकप्रतिनिधी म्हणून आमदार सुनिलभाऊ प्रभू यांचा सिध्द परिचय आहे. त्यांच्या या सामाजिक वाटचालीचे मुल्यमापन म्हणून त्यांना सन्मानित करण्यात आले.यावेळी लोकस्वातंत्र्य पत्रकार महासंघाचे उपक्रम आणि संघटन कार्याची माहिती त्यांनी घेतली.

     आमदार प्रभू यांनी मुंबई महानगरपालिकेचे नगरसेवक, प्रभाग व स्थायी समिती अध्यक्ष,सभागृह नेते आणि नंतर महापौरपद भूषवून नागरी समस्यांना सोडविण्याचे व्यापक कार्य केलेले आहे. त्यांच्या दिंडोशी मतदारसंघातील जनभावनांची दखल घेणारे  एक अभ्यासू आणि  कर्तव्यदक्ष जनसेवक म्हणून आपला परिचय त्यांनी  सिध्द केलेला आहे. जनता अदालतींच्या आयोजनातून वृध्द,गरोदर माता, वंचित, निराश्रितांच्या समस्यांना सोडविण्याचे प्रयत्न केल्याने त्यांचा हा समस्या समजून घेणारा सातत्यपूर्ण उपक्रम प्रभावी ठरलेला आहे.

    तीन वेळा आमदार आणि महापौरपद भुषवून यशस्वी राजकीय वाटचालीतून जनविश्वासाला पात्र ठरलेले लोकप्रतिनिधी ही सन्मानजनक बहूमान त्यांना प्राप्त झालेला आहे.या सबंध सामाजिक राजकीय वाटचालीच्या वास्तव आलेखामुळेच लोकस्वातंत्र्य पत्रकार महासंघाकडून गेल्या मार्च महिन्यातच त्यांना सन्मानित करण्यासाठी निमंत्रित करण्यात आले होते.तो समाजरत्न गौरव  पुरस्कार त्यांना काल प्रदान करण्यात आला. 

     ग्रामीण भागातील शेतकरी, कष्टकरी आणि सर्वसामान्य  मध्यमवर्गियांचे प्रश्न सोडवून आमदार प्रभूंनी ग्रामीण जनता आणि शेतकऱ्यांना न्याय देण्याचे त्यांचे कार्य उल्लेखनिय ठरलेले आहे. त्यामुळे उदात्त विचारांचे संवेदनशील सेवाभावी आमदार म्हणून त्यांनी मतदारसंघातील  नावलौकिकास पात्र ठरलेले आहेत.

    मतदारांनी टाकलेल्या विश्वासाला   कार्यप्रवण राहून सार्थ ठरवित त्यांची  सुरू असलेली वाटचाल राहिल्याने जनभावनांचा मौलिक ठेवा प्राप्त करणारे महाराष्ट्रातील एक यशस्वी आमदार म्हणून  लोकस्वातंत्र्य पत्रकार महासंघ या समाजाभिमुख राष्ट्रीय संघटनेकडून त्यांचे अभिनंदन करीत त्यांना शुभेच्छांसह  लोकस्वातंत्र्य समाजरत्न गौरव पुरस्काराने सन्मानित करण्यात आले आहे.