*पत्रकारास धमकी देणारे आ. कोहळीकर यांच्यावर कार्यवाही करा**•••पत्रकार संरक्षण समितीचे मुख्यमंत्र्यांना निवेदन•••*

*पत्रकारास धमकी देणारे आ. कोहळीकर यांच्यावर कार्यवाही करा*

*•••पत्रकार संरक्षण समितीचे मुख्यमंत्र्यांना निवेदन•••*

*देगलूर (धनाजी जोशी)

       हदगाव येथील दैनिक देशोन्नतीचे तालुका प्रतिनिधी पत्रकार संजय सुर्यवंशी यांनी "मौजे निवघा तळणी सर्कलमधील पंचवीस गावे २५ तासांपासून अंधारात, महावितरणचे अधिकारी नॉट रिचेबल" या मथळ्याखाली वस्तुनिष्ठ बातमी प्रकाशित केली.

       या बातमीनंतर हदगाव-हिमायतनगर विधानसभा मतदारसंघाचे आमदार बाबुराव कदम कोहळीकर यांनी संबंधित पत्रकाराला अश्लील भाषेत शिवीगाळ करत जीवे मारण्याची धमकी दिल्याचा आरोप आहे.

या प्रकाराचा पत्रकार संरक्षण समितीने तीव्र निषेध करत, ही घटना पत्रकार स्वातंत्र्यावर थेट आघात करणारी असल्याचे म्हटले आहे. समितीचे तालुकाध्यक्ष शेख असलम यांनी, "सत्य मांडणाऱ्या पत्रकारांना धमक्या देणे म्हणजे लोकशाही मूल्यांची पायमल्ली आहे," असे म्हणत संबंधित आमदारावर तात्काळ गुन्हा दाखल करण्याची मागणी केली.

या प्रकरणाची सखोल चौकशी करून आमदार कोहळीकर यांच्यावर कठोर कारवाई करावी, अन्यथा संपूर्ण महाराष्ट्रभर आंदोलन छेडण्यात येईल, असा इशारा देण्यात आला आहे.

या निवेदनावर पत्रकार संरक्षण समितीचे अध्यक्ष शेख असलम, सचिव गजानन टेकाळे, कार्याध्यक्ष धनाजी देशमुख, प्रसिद्धीप्रमुख धनाजी जोशी, पत्रकार सेवा संघाचे राज्य उपाध्यक्ष विशाल पवार, इलेक्ट्रॉनिक मीडिया अध्यक्ष सय्यद समी, तसेच सुनील मदनुरे, प्रभू वंकलवार, अनिल पवार, संजय हाळदे, इस्माईल खान यांच्यासह अनेक पत्रकारांच्या स्वाक्षऱ्या आहेत. पत्रकारांच्या सुरक्षेसाठी शासनाने तात्काळ पावले उचलावीत, अशी मागणी यावेळी करण्यात आली.