45 डिग्री मध्ये फरदापुर मोताळा लॉंग मार्च निघणार..रस्त्यासाठी सर्वस्व पणाला लावणार ग्रामस्थांनी घेतली शपथ

45 डिग्री मध्ये फरदापुर मोताळा लॉंग मार्च निघणार..

रस्त्यासाठी सर्वस्व पणाला लावणार ग्रामस्थांनी घेतली शपथ.

रस्ते मिळेपर्यंत संघर्ष अटळ आहे.

           अँड.सतीशचंद्र रोठे.

बुलढाणा मोताळा 

देशाला स्वातंत्र्य मिळाले फर्दापूरच्या रस्त्यांना केव्हा मिळेल..? साहेब आम्हाला रस्ते द्या हो..! आम्ही स्वातंत्र भारतात राहतो आमचा अधिकार आम्हाला द्या हो...  असा आर्थ  टाहो फोडत मोताळा तालुक्यातील ऐतिहासिक लॉंग मार्च 28 मार्चला सकाळी अकरा वाजता फरदापुरातून मोताळा तहसील साठी आगेकूच करणार आहे.

आबाल, वृद्ध ,महिला, मुली,पुरुष गावातील प्रत्येक व्यक्ती या लॉन्ग मार्चमध्ये सहभागी होणार आहे. तर पंचक्रोशीतील गावकऱ्यांसह विविध संघटनांचाही सहभाग लॉन्ग मार्चला मिळणार आहे.

मोताळा तालुक्यातील बहुचर्चित फरदापुर गावातील रस्त्यांनी मोकळा श्वास घेण्यासाठी गावकऱ्यांनी 27 एप्रिल ला सायंकाळी अर्धापुरात आढावा बैठक घेतली. यावेळी सदर बैठकीला गावातील पंचक्रोशीतील बहुसंख्य नागरिकांची प्रामुख्याने उपस्थिती होती. बैठकीदरम्यान समस्त ग्रामस्थांनी  फरदापुर रस्त्यांसाठी सर्वस्व पणाला लावण्याची शपथ घेतली.तर जोपर्यंत फरदापुर चे रस्ते अतिक्रमण मुक्त होऊन गावकऱ्यांना रस्ता तयार होऊन मिळत नाही तोपर्यंत संघर्ष चालू ठेवणार असा इशारा यावेळी लॉंग मार्च चे संयोजक प्रबोधनकार ॲड.सतीशचंद्र रोठे पाटील यांनी आढावा बैठकी ला  मार्गदर्शन करताना दिला आहे.

सकाळी 11 वाजता लॉन्ग मार्चला सुरुवात होऊन तहसीलदारामार्फत मुख्यमंत्री, उपमुख्यमंत्री व संबंधित प्रशासनाला फरदापुर रस्त्यांसह पिक विमा, अतिवृष्टी,कर्जमाफी, अनधिकृत घरगुती गॅस सिलेंडरचा वापर,अनधिकृत व्यवसाय आदी मागण्यांचे निवेदन सभेनंतर सादर करण्यात येणार आहे.

फरदापुर ग्रामस्थांसह पंचक्रोशीतील गावकऱ्यांनी शेतकऱ्यांनी सदर ऐतिहासिक लॉन्ग मार्चमध्ये सहभागी व्हावे असे आवाहन आयोजक ग्राम स्वराज्य समिती, फरदापुर ग्रामस्थ, आझाद हिंद शेतकरी संघटना, राष्ट्रीय बजरंग दल, किसान ब्रिगेड, रमाई ब्रिगेड आदी संघटनांच्या वतीने करण्यात आले आहे. 

___

तगडा पोलीस बंदोबस्तासह प्रशासन अलर्ट मोडवर.

ॲम्बुलन्स,प्राथमिक उपचार केंद्रही सोबत.

43 ते 45 डिग्री उन्हाचा पारा 28 एप्रिल ला राहणार आहे. त्यामुळे प्रशासनासह आंदोलकही अलर्टमोडवर आहेत.जिल्हा पोलीस अधीक्षक कार्यालय,डीएसबी विभाग, धामणगाव बढे पोलीस स्टेशन आणि बोराखेडी पोलीस स्टेशनचा तगडा पोलिस बंदोबस्त राहणार आहे. तर जिल्हा प्रशासन आणि जिल्हा रुग्णालयाच्या वतीने ॲम्बुलन्स, प्राथमिक औषधोपचार केंद्र, पिण्याचे पाणी, नींबू शरबत आदींची व्यवस्था चोख ठेवली आहे.