*नम्रता गणेशराव धोत्रे कौलखेड अकोला या लाडक्या बहिणी विरुद्ध मलकापूर पो. स्टे. ला महाराष्ट्रातून पहिली तक्रार दाखल. मलकापूर (दिव्यांग शक्ती प्रतिनिध)ी*नुकताच महाराष्ट्र शासनाने मुख्यमंत्री माझी लाडकी बहिण योजना जाहिर केली मात्र अपात्र महिलांनीही या योजनेचा लाभ घेतल्याचे दिसत आहे.अर्जदार महीला नम्रता यांनी प्रथमतः दि. ३०-०८-२०२४ रोजी योजनेचा अर्ज केला व अंतिमतः दि. ०२-०९-२०२४ रोजी त्यांचा शासनाद्वारे अर्ज मंजुर करण्यात आला आहे व त्याप्रमाणे प्रस्तुत अर्जदार हिस दरमहा १५००/- रूपये प्रमाणे निधी तिचे खात्यात प्राप्त झाला आहे. खरे म्हणजे अर्जदार नम्रता हिने खोटे व बनावटी हमीपत्राचा दस्त तयार करून त्यात खोटी व बनावटी माहित दिली व तो खरा आहे असे भासवुना जाणीव पूर्वक सदर दस्त संबंधीत अधिकाऱ्यांकडे सादर केला.त्याद्वारे शासनाची फसवणुक करून स्वतःचा गैरहक्की आर्थिक लाभ प्राप्त केला आहे.याबाबत सविस्तर असे की सदर योजने करीता पात्रता निकष असे की,ज्या महिलेच्या एकत्रीत कुटुंबाचे वार्षिक उत्पन्न २,५०,००० /- रूपयांपेक्षा अधिक आहे, ज्या कुटूंबातील सदस्य आयकर दाता आहे, ज्या कुटूंबातील व्यक्ती सरकारी कर्मचारी म्हणुन सेवानिवृत्ती नंतर सेवानिवृत्ती वेतन घेतात, ज्यांच्या कुटूंबात चारचाकी वाहन आहे किंवा ज्या कुटूंबातील सदस्यांची संयुक्तपणे पाच एकर पेक्षा जास्त शेतजमिन आहे अशा महिला या योजनेसाठी पात्र ठरत नाही. पात्र अर्जदार लाडक्या बहिणीला तसे हमीपत्र सुद्धा द्यावे लागते.असे निकष असताना अर्जदार लाडकी बहिण नम्रता हिने तिचे लग्नानंतरचे नावाने अर्ज केला आहे. सदर अर्जदार हिचे सासर कडील एकत्र कुटूंबाचे उत्पन्न अडीच लाख पेक्षा जास्त आहे, सदर अर्जदार हिचे सासरे सेवानिवृत्ती वेतन घेतात, त्यांचे पती दिपक चांभारे पाटील नावाने एकुण ६ एकर शेतजमिन आहे. म्हणजेच निकषाप्रमाणे पाच एकर पेक्षा जास्त शेतजमिन आहे. असे असतांना देखील व सदरची बाब पुर्णतः माहिती व जाणीवेतील असतांना देखील प्रस्तुत अर्जदार हिने खोटे हमीपत्र निष्पादीत केले व सदर हमीपत्र व त्यातील मजकुर खोटा आहे याची माहिती व जाणीव असतांना गैरहक्की आर्थिक लाभाचे दुषित हेतुने त्याचा वापर करून शासनाची फसवणुक केली आहे व स्वतःचा आर्थिक लाभ प्राप्त करून घेतला आहे.प्रस्तुत अर्जदार ही तिचे पतीपासून गेल्या पाच ते सहा वर्षापासुन विभक्त राहत आहे. त्यांचेदरम्यान अकोला येथील न्यायालयात खावटीकरीता न्यायालयीन प्रकरणे सुरू असून सदर अर्जदार हिस तिचे पतीपासून एकत्रीतरित्या दरमहा ५०,००० /- रूपये खावटी मंजुर झाल्याची देखील तक्रारीत नमूद आहे. सबब निकषास पात्र नसतांना देखील खोटी माहिती देवून व खरी माहिती लपवून सदर अर्जदार हिने योजनेचा लाभ मिळविला आहे. सदर अर्जदार हिचे माहेरचे नांव नम्रता गणेश धोत्रे आहे व सदर धोत्रे परिवारात चारचाकी वाहन आहे व त्या परिवाराचे उत्पन्न देखील अडीच लाखापेक्षा जास्त आहे. असे असतांना स्वतःचे वैवाहिकस्थितीबाबत खोटी माहिती प्रस्तुत अर्जदाराने दिली असून शासनाची फसवणुक केली आहे व स्वतःचा गैरहक्की फायदा करून घेतला आहे.सदर महिती जनमाहिती अधिकारी तथा नायब तहसिलदार, मलकापूर यांचेकडून अर्ज व त्यासोबतची कागदपत्र यांची माहिती अधिकार कायद्याअंतर्गत मागणी केली असता. अर्जदार नम्रता यांनी खोटे हमीपत्र तयार करून त्यात खोटी माहिती देऊन शासनाची फसवणुक केल्याबाबतची व स्वतःचा गैरहक्की फायदा करून घेतला असल्याचे दिसले. नम्रता यांचे सदरचे कृत्य दखलपात्र स्वरूपाचा गुन्हा असून त्याबाबत त्यांच्या विरूध्द मलकापूर पो. स्टे. ला फिर्याद श्री. राजेंद्र काजळे यांनी दिली आहे.

 जय भीम च्या गजरात भीमजयंतीनिमित्त खामगांव शहरातुन निघ्ााली भव्य मिरवणुक   मिरवणुकीमध्ये सहभागी झालेल्या मंडळाचे अध्यक्ष पदाधिकाऱ्यांचा सानंदांनी केला सत्कार

 खामगाव ः-खामगाव शहरात 14 एप्रिल 2024 रोजी भारतरत्न डॉ.बाबासाहेब आंबेडकर यांच्या जयंतीचा उत्साह ओसंडून वाहत होता. भीम जयंतीनिमित्त  ठिकठिकाणी विविध कार्यक्रम पार पडले. येथील नगर परिषद मैदानावरील डॉ.बाबासाहेब आंबेडकर पुतळा परिसराला जयंतीनिमित्त यात्रेचे स्वरूप आले होते. महामानवाला अभिवादन करायला विविध सामाजिक संघ्ाटनासह, हजारो अनुयायींनी गर्दी केली होती.
दुपारी 3.30 वाजतापासून शहरात भव्य मिरवणुकीला प्रारंभ झाला. या मिरवणुकीत सम्राट अशोक मंडळ बाळापुर फैल, भीमशक्ती मंडळ बाळापुर फैल, पंचशील क्रीडा मंडळ बाळापुर फैल, सम्राट क्रीडा मंडळ हरी फैल,  समता क्रीडा मंडळ शंकर नगर, तथागत मंडळ हिरानगर,अशोका क्रीडा मंडळ दालफैल व जुना फैल भागातील सिध्दार्थ क्रिडा मंडळाचा समावेश होता. मिरवणूकीमध्ये जयभीमच्या गजरात डीजेच्या तालावर तरुणाईसह हजारो महिला, पुरुष व बालगोपाल, अबालवृद्ध मिरवणुकीत सहभागी झाले होते.
 मिरवणुकीत भारतरत्न डॉ.बाबासाहेब आंबेडकर यांचे आकर्षक तैलचित्र सर्वांचे लक्ष वेधून घ्ोत होते.मिरवणुकीने संपूर्ण शहर दणाणून गेले. संपूर्ण शहरात भीम जयंतीचा माहोल पहावयास मिळाला.निळे झेंडे ,पताका ,बॅनर ने संपूर्ण खामगाव शहर सजले होते.
भीम जयंती निमित्त राणा फाउंडेशनच्या वतीने माजी आमदार राणा दिलीपकुमार सानंदा यांनी नगर परिषद मैदानावरील भारतरत्न डॉ.बाबासाहेब आंबेडकर यांच्या पुतळ्याला माल्यार्पण करून अभिवादन केले व उपस्थितांना भीम जयंतीच्या शुभेच्छा देऊन भीम जयंती निमित्त लाडू वाटप केले. तद्नंतर माजी आमदार राणा दिलीपकुमार सानंदा यांनी भीम जयंती निमित्त निघ्ाालेल्या विविध मंडळांना भेटी देऊन मंडळाचे अध्यक्ष व प्रमुख कार्यकर्त्यांचा पंचशील दुपट्टा घ्ाालून सत्कार केला व पेढा भरवुन त्यांचे तोंड गोड केले. यावेळी त्यांच्या समवेत माजी नगराध्यक्षा श्रीमती सरस्वतीताई खासणे,खामगाव तालुका काँग्रेस कमिटीचे अध्यक्ष मनोज वानखडे,खामगाव कृषी उत्पन्न बाजार समितीचे संचालक मंगेश इंगळे,संचालक राजेश हेलोडे,
माजी नगरसेवक किशोरआप्पा भोसले,नारायण गायकवाड,प्रितम माळवंदे,जीवन जाधव,सागर मुयांडे पाटील ,सागर केवारे आदींची उपस्थिती होती.
विविध मंडळांच्या उत्साही कार्यकर्त्यानी माजी आमदार राणा दिलीपकुमार सानंदा यांना  खांद्यावर उचलून घ्ोत डी.जे.च्या गाण्यांवर ताल धरत भीमजयंतीचा जल्लोष साजरा केला.भीम जयंतीनिमित्त निघालेल्या मिरवणूकीत सहभागी झालेल्या नागरिकांसाठी विविध सेवाभावी संस्था व मंडळांच्या वतीने नागरीकांना थंड पाणी,शरबत,मठठ्ा,पोहे व भोजन वितरीत करण्यात आले. या मंडळांना सुध्दा माजी आमदार राणा दिलीपकुमावर सानंदा यांनी भेट देवुन विधायक उपक्रम राबविल्याबदद्ल मंडळाच्या पदाधिकारी व सदस्यांचा पंचशील दुपटट्ा देवुन व पेढा भरवुन सत्कार केला.